|
Dia de shabat, mi madre,
la horika dando dos.
Fuego salyio a l'agua mueva
a la torre blanka kedo.
Fuego salyio a l'agua mueva
a la torre blanka kedo.
Tanto probes komo rikos
todos semos un igual
ya kedimos arrastrando
por kampos i por kishlas.
ya kedimos arrastrando
por kampos i por kishlas.
Las palombas van volando
hasiendo estruicion
ya kedimos arrastrando
sin tener abrigasion.
ya kedimos arrastrando
sin tener abrigasion.
Mos dieron unos tsadires
ke del aire es volan.
Mos dieron un oan amargo
ni kon agua no se va.
Mos dieron un oan amargo
ni kon agua no se va.
Entendiendo mansevikos
los pekados del shabat
se ensanyo el patron del mundo
mos mando a dudular.
se ensanyo el patron del mundo
mos mando a dudular.
Dio del cielo, Dio del cielo
no topate ke hazer,
mos dejates arrastando
ni camisa para meter.
mos dejates arrastando
ni camisa para meter.
Dia de shabat, mi madre,
la horika dando dos.
Fuego salyio a l'agua mueva
a la torre blanka kedo.
Fuego salyio a l'agua mueva
a la torre blanka kedo.
Dio del cielo, Dio del cielo
no topate ke hazer,
mos dejates arrastando
ni camisa para meter.
mos dejates arrastando
ni camisa para meter.
|
|
