|
Ecce mundi gaudium
Ecce salus gentium
Virgo parit filium
Sine violentia
Ref.:
Ave, virgo regia
Dei plena gratia
Natus est de virgine
Sine viri semine
Qui mundat a crimine
Rex, qui regit omnia
Angelus pastoribus
"Natus est is gentibus,
Qui dat pacem omnibus
Sua providentia
Reges tria premia
Offerentes varia
Stella ducit previa
Ad salutis gaudia
Cum nil scire potuit
De nato, rex fremuit
Et tota gens tremuit
Christi natalitia
Cum mori per gladios
Rachel videt proprios,
Mesta plorat, filios;
Nulla sunt solatia
|
|
